بوتون دونیالارین دردین قانار داغ
غمین قوربانی تبریز، یئللی تبریز،
آلوولو، ایلدیریم‌لی، سئللی تبریز،
نه قانلار قایناییب سندن، اولوب داش
بئیله کی، عینالین‌دان بللی تبریز.
بوتون دونیالارین دردین قانار داغ،
سوال ائتسن، سوکوت ایله دانار داغ.
سهندین اوستو قاردیر، آلتی قاندیر
بو جوشغون دردیندن بیر گون یانار داغ.
قاناد آچسام، بو گون دونیا منیم‌دیر،
بولاقدان توتدو تا دریا منیم‌دیر.
آییق گز، ایستی ال، وازگئچمه واردان
کی، سون گون تکجه بیر رؤیا منیم‌دیر.
ایچک بو جامی اوزلر آغلیغییلا،
قیزارداق رنگی عشقین ساغلیغییلا.
سویوق دونیانی باسمیشدیر و لاکین
نه غم واردیر اورکلر داغلیغییلا.
شعر: مفتون امینی
موسیقی: نوید مثمیر
غمین قوربانی تبریز، یئللی تبریز،
آلوولو، ایلدیریم‌لی، سئللی تبریز،
نه قانلار قایناییب سندن، اولوب داش
بئیله کی، عینالین‌دان بللی تبریز.
بوتون دونیالارین دردین قانار داغ،
سوال ائتسن، سوکوت ایله دانار داغ.
سهندین اوستو قاردیر، آلتی قاندیر
بو جوشغون دردیندن بیر گون یانار داغ.
قاناد آچسام، بو گون دونیا منیم‌دیر،
بولاقدان توتدو تا دریا منیم‌دیر.
آییق گز، ایستی ال، وازگئچمه واردان
کی، سون گون تکجه بیر رؤیا منیم‌دیر.
ایچک بو جامی اوزلر آغلیغییلا،
قیزارداق رنگی عشقین ساغلیغییلا.
سویوق دونیانی باسمیشدیر و لاکین
نه غم واردیر اورکلر داغلیغییلا.
شعر: مفتون امینی
موسیقی: نوید مثمیر
Ei kommentteja:
Lähetä kommentti